الله اكبر ... الله أكبر ... الله أكبر
الف الف الف مبروك الفكى المعز محمد الأمين جلى .... وإنشاء الله عقبال الدكتوراه
وكنا نتمنى أن نكون ملازمين وعائشين هذه الفرحة الكبيرة .... الأخ كبيرو الف مبروك .. ونقول شنو غايتو كتبت علينا خطاً ومن كتبت عليه خطاً مشاها ..
أحسنلك طيناً فى كرعينك
ولا الرطوبه الفى ركبتنا..؟
ولا تأكل الجكن الرومى
وتخلى تقلية حبوبتنا
ماللك ومال الغربه
خليك فى حلتنا
ضل الغيمه الفوق راس بيتنا
والنقناقه البت ما تفوتنا
وآآآه يا حلتنا......ضل الغيمه الفوق راس بيتنا
والنقناقه الابت ما تفوتنا
وصوت التيران الجايه ورايحه
جايبه الخير من لتكيتنا
وحاج ازرق فوق قرآنه
صوته يجلجل فى خلوتنا
والدعاش الماسك فوقنا
معطر كل اطراف حلتنا
وآآه يا حلتنا
الناس الحنينه الطيبه
الشاى جاهز ...الغداء حرم فى بيتنا
وقيزانه القايمه ورابطه
فوق باقى بيت حبوبتنا
وزيراً بارد وناقع
وين للعين المنها شربنا
المويه الحلوه الطاعمه
انشاء الله تكون من جدولنا
والجنا الحاضن طوريته يدوبى
الليل..نحن أولاد بلد
نقعد ونقوم على كيفنا
مالو ومال المنبه...
وخصم الماهيه الابا ما يفارقنا
خليك فى زراعتك
وارعى ارضنا
وبى طوريتك شق الارض
وبى عرقك أسقى زرعنا
مالك ومال الماهيه الما طلعت
واكل العلب السوسنا
.....
الأربعاء أبريل 09, 2008 4:17 am
