الرئيسيةاليوميةمكتبة الصوربحـثس .و .جالتسجيلالأعضاءالمجموعاتدخول

شاطر | 
 

 مواقف ومبادى فى شعر البوادى

اذهب الى الأسفل 
كاتب الموضوعرسالة
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: مواقف ومبادى فى شعر البوادى   الخميس نوفمبر 20, 2008 3:32 am

سوف نلتقى قريبا فى متابعة هذا الموضوع
الناس فى العروض ما تقيسا بى تيبانا
ما يغرك لباسم والعروض عريانا
هم حراس رزق زى التكنو امانا
زى ابل الرحيل شايلا السقى وعطشانا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   السبت نوفمبر 22, 2008 11:34 pm

انا التوب العشارى الباهى زيقو
انا فرح الرجال وكتين يضيقو
انا الدابى ان لبد للزول بعيقو
وانا المامون على بنوت فريقو
اين نحن من هذة المبادى النبيله واين زماننا من زمان الطيب ود ضحوية
فان المتامل فى هذة الرباعية يجد انها تحتوى على كل الفراسة وكل الكرم وكل التفاءل وكل الشرف
والامانة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   الأحد نوفمبر 23, 2008 9:46 pm

مانى للبيوت الناس بتابا كشيشتو
ومانى الافزر الفى الجاره كاسره ضريبتو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   الإثنين نوفمبر 24, 2008 6:15 pm

العســــــل المصـــفّي البيهـو تحلي حياتنا
مــــعدوم البــطول نيلـــنا ومنابع ابواتـنا
عازمكم معـاي خسّمــــتكم بي ابو فـاطنة
نثــري المنتــدي وننـــمي لي ملكـــاتـــنا



[color=brown]قمـــر الســبعتيــن انتي و ندايدك أهلة
مـــن السبعــــتين أذمتي واقــع الحـلة
كـتير القـالو فيها الموت وما بتتخــلي
وكـتير الذيـي في نار الصبر يتقــلي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   الإثنين نوفمبر 24, 2008 6:38 pm

مسافره خلاسْ ! ونحنَ الدوبنا
يا دوبْ جينا شايلينْ فى العُيونْ أمطارْ
وجايينْ من ليالى الشوقْ
ودايرِنكْ تكونى نهارْ
وجيناكْ قُلنا نبقى سَوا
ونكون للحبْ أهلْ وديارْ
وجيناكْ شانْ تكونْ ريدتنا
للعُشَاقْ وطنْ ومزارْ
عشَانْ الدنيا تبقى حديقه
من أطفالْ .. ومنْ أطيارْ
تقومى تسافرى ! شِنْ يَبْقَالنَ
مِنْ بَعْدِكْ وشِنْ يَبْقَالنَا من أشعارْ !
مسافره خلاسْ ! ولكينْ كيفْ
مُنو البِكرِمْ مَعَايا الضيفْ
مُنو البِرْكِزْ معاىْ فى الحاره
فوق القيفْ مُنو البتحدى فى تَالاَيا
بردَ الليلْ وحرَ الصيفْ
مُنو السَّوانى أبقى جميلْ
بَعَدْ ما كتَ زىَّ الطيفْ
بحبِكْ
أيوه يا حليوه
لأنكْ لىْ دُعاشْ وخريفْ
لأنكْ لىْ وَطنْ جايى
من التاريخْ ... بحدَّ السيفْ
مادام انو الناس ما بتهتم بالدوبيت قلنا نشوف الغزل يمكن نلقى رد
ومستمرين فى المحاولة
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فتح الرحمن بابكر السيد

avatar

المساهمات : 98
تاريخ التسجيل : 05/08/2008
العمر : 47

مُساهمةموضوع: رد: مواقف ومبادى فى شعر البوادى   الثلاثاء نوفمبر 25, 2008 1:42 am

تحيه خاصة ياغالي وقد طرقت فينا وتراً حساساً وأتمنى أن تواصل في تجميع هذه الروائع وخذ هذه الإضافة :

أنا ماني التنبل الفي البيت صِنٍعتي حليبْ
بَدور الشًّدّة فوق إبلاً شوافي ونيب
إن حرًّت نخت الشكرة ما بنعيب
وإن بردت نكافيبهن سوالف أم طيب
********************
كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب
********************************
كم شدّيت علي تيساً بهمك الغَلة
وكم غوَّص بهن لامن شِهيرن حلَّ
ود مكّة بيقول يا خالي كيف الحّلَة
من سوقهن حلف بلال جنى خادم الله
******************************
كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟
*********************
الليل حيلو روح وحس سروجنا يبنِّنْ
جدع النمّة ود أب زيد وصوتو يحنِّن
نحن الكُسًّر النظرة عيوننا تجنن
ديمة درقنا بي دم الرجال متحنن
*************************
كم بنداور المصرة ونمصرو ثديها
وكم بنشق عتاميراً بعيدة وتيها
يا نفس السواد المتعة كملتيها
أبقي لزومة وكت القرعة وقعت فيها
********************

ولك مني كل الحب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   الثلاثاء نوفمبر 25, 2008 2:34 am

الى استاذى الغالى التحية لك ومشكور على المرور
ولك منى هذه ومنتظر منك رد .
الواعي ما بوصوه من أمس الضحى
تورى أب قرون ساقوه يا مقنع ولياتو
الواعي ما بوصوه الفتح الدرب خلى العريب يمشوه
************
غنيت بجيب مسدار
المكنه بتكاكى جنك مدافع النار
يا قصر الرجال اللي الفقر عصار
يا قصر الفراسه اللي الضلع كسار
يا نار الزبل الما بندركلك حال
يا رحل الكحل لا بتنزاح ولا بتندار
عوج الطنضبه الما بتعدلو النار
درعولو أم خريز العسكر الزنهار
مأمن بالقماحه اتقدلت ليك برجال
***********
الليله عليك غنيت
بلع الألف كلو قال ولا استكفيت
يوم جوك للحرب لا سخيت ولا ضليت
صامت بالقماحه أتفرشت واتغطيت
دا تور الجواميس العليهو الرك
دا عقد الحديد لى الحلبى ما بنفك
دا سم الغدور الفى الحلق عشرق
منو غيرك دق فى الحراجه مدافع الحق
***********
الليله عليك غنيت يا مطرق الجراح
قلت ليهم عشارى مسكو يفوح
ما ختف البدينقا وما جفل مجروح
بلع الألف كلو درب الجبين مطروح
جابوك بى أم خريز الزدخانه تفوح
سيفك بشيل الفقر ومعاها ملاح المخ
***********
من كوجه وكجيج لي عند بلاد العين
جابونا الضحى في مركز الكامنين
الأهبل يقول أدوه عشره سنين
والعاقل يقول حكموا عليهو بسنتين
وكتا جانا الجنا الطبق الجنيه في أتنين
كملت العمد والمشايخه وحلانين
********
ابشر يا صقر ما تكتر الحلقان
تأكل ليك مطايبا ما لحم سخلان
تأكل في المطايب ما لحم عيران
تأكل في المطايب فوق ضهر سلطان
تتغدى وتفوت كبده وكلا ومصران
شن منك نقول لامات عقيد مرجان
********
تكلم يا لساني تكلم المنطوق
عن مدافع الحق الفى مشيها بروق
قال قاسم اليمين كان اليمين مطلوق
زى كاسر الأسود ما بشنقوه في السوق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فتح الرحمن بابكر السيد

avatar

المساهمات : 98
تاريخ التسجيل : 05/08/2008
العمر : 47

مُساهمةموضوع: رد: مواقف ومبادى فى شعر البوادى   الأربعاء نوفمبر 26, 2008 12:29 am

إليكم أيها الأحباب :

وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج


شالت إيـدا مـن صفحة جبينـا
ومالت ولعـت نـار الكميـنـة
ودارت شتـت شوق ليما فينـا
حليل الراحـة يا روحي الحزينة

حسدت التـوب على اللفة الهنية
وحاسد الروج على الرطب الجنية
وحاسد الحنة في قـدم البنـيـة
على النعمة وعلى الدرجة السنية


شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انور محمد عبد العزيز

avatar

المساهمات : 111
تاريخ التسجيل : 27/07/2008
العمر : 64
الموقع : جريدة الصحافة _ السودان

مُساهمةموضوع: مواقف ومبادى فى شعر البوادى   الأربعاء نوفمبر 26, 2008 12:37 am

الليلة البروق فوق الجبال السبعة
قلن نومى يا اب بيزا موارك الهبعة
الضيق و الوحيح ساكت بقن لى طبعة
وكتا مو بعيد ندى الدنادر لبعة

..................................
ود خالتى المبدع عبد الرحمن
احى فيك النشاط و حسن الاختيار و لك كل الود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معاذ

avatar

المساهمات : 13
تاريخ التسجيل : 29/07/2008

مُساهمةموضوع: رد: مواقف ومبادى فى شعر البوادى   الأربعاء نوفمبر 26, 2008 12:51 am

الغالي عبد الرحمن واخونا فتح الرحمن والعزيز انور

الناس في العروض ما تقيسة بي تيبانة
وما يغرك لباسهم والعروض عريانة

ديل حراس رزق مثل التكنو أمانة
زي إبل الرحيل شايلة السقى وعطشانة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: ضل النيمه   الأربعاء نوفمبر 26, 2008 3:24 am

امطرت صباحا وظل الغمام منتشرا فى السماء ولكنها ترسل زخات من حبات المطر بين حين واخر جلست فى عنقريب الهباب تحت ظل شجرة النيم التى تتوسط البيت انتشرت مجموعة من الروائح ميزت منها بعد ان اتكاءت على يمينى رائحة الطين ورائحة القش أعلى الراكوبة وما هى الا لحظات وجاء صوت امى من داخل المطبخ ينادى ان الافطار ان استعدو للافطار . جاء ابى ومن خلفه اختى الصغرى . كان رائعا برغم بساطتة
تاخرت الاخت الاكبر من الصغرى فى اعداد الشاى وكنت حينما اريد ان ادخل البهجه فى دواخل ابى اسآله عن الماضى وناس زمان , واكثر ما اسعد امى ان الحديث هذه المره ليس عن امجاد الكوره عندما قالت اختى لابى
(دوبى لينا ) .
صمت ابى لمدة لانتبة الى سيمفونية الشجره ( الهواء . صوت الاغصان , وزقزقة العصافير )
ثم تنحنح ومازال فى صمته لكنه عدل قليلا من اتكاءتة ثم اصدر ذلك الصوت الذى يدل على ان ذاكرتة قد اسعفته اخيرا , وقال : اللليييييييييييييييييييييييييييييييييييييييييييييييل
ان جدع اشتر وان مشيت متعتر
اركب فوق البختر
واقلى العافيه واخدم للبريد واكتر
كدليل قاطع على انى فى غاية الانتباه نزلت من البنمر فى الصلاية وكانت هذه الحركه كافيه لاى ليعلم انى
فى غاية الانتباه فاردف :اللييييييييييييييييييييييييييييييييييييييييييييييييل
ذى واحدين وما همانى
وان وقع القدر بتحمل الجايانى
انا اخو الجاهلة الشاده اعضاى وماليا لسانى
وسمحه الطيبه فى الدنيا ام بنايا فانى
لاستمرارية الدوبيت قلت ذلك الصوت الذى يدل على الحماسه وان كان منخفضا حياءا (هين) *فاستدرك
اللييييييييييييييييييييييييييييييييييل
الله يقدها الما دايمة
نايمه مع الافاضل مع الارامل قايمه
كدت العضم عوزتة القايمة
والتمساح غرق فضل الورالى العايمه
قلت بعد ان رسمت على شفاهى ابتسامة خجل خجول : الناس ديل ما عندهم غزل ورميتها هكذا وساد صمتا
عميق لولا ان كسرتة اختى الاكبر من الصغرى حاملة ًبراد الشاى وقال بعد ارتشف رشفة من الشاى :
الليييييييييييييييييييييييييييييييييييل
سمحه سماح وناجحه نجاح
وكتفك منخروسك كان ضراعين صاح
وجهك زي تباتيل القمر وضاح
وصدرك شايل الجوز من جنى التفاح
وقالب الروب يفوت حد الضمير مرتاح
وما خلاني أقعد.... عطرك الفواح
انت متلابت الموارد لي نشل طوطاح
ولا حميلة البهجع مع البواح
معشوقك فقد جن وبقي مداح
والزاروهو ما طاريين عليهو نصاح
أنا من غيبتها نامن ديكي جاتني صباح
بقلب فوق هموم الحيرتني سماح
شبيهة البقدل بي سافل الكريجه مراح
سلم من طلقتي وشبع كلابي قماح
متين يا ربي من قلبي الحزن ينزاح
وألقاها وأتوب من الشقا وارتاح
ولم افق الا من صوت امى تقول اقعدو سوها لى دوبيت والدقيق كمل والكهرباء ما مضمونه فى الخريف داء ..
التحية للاستاذ انور ود الغالية والاخ معاذ والاستاذ فتح الرحمن على المرور ولنجعلها صفحة ً هجعه من الهموم ولكم تحياتى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير محمد حمد

avatar

المساهمات : 33
تاريخ التسجيل : 26/09/2007
الموقع : amiredris@hotmail.com

مُساهمةموضوع: رد: مواقف ومبادى فى شعر البوادى   الجمعة يناير 02, 2009 2:07 pm


قَجَّ السادرة فى الوادى أب نِعاماً دكَّك

وضايق سوقها قبال الضرير يتمكك

أنا أخو النايرة إن خِرِب الحديث واتلَكَّك

إت قدَّامى ماك ورَّانى مقطوع شكَّك



أملا الكدوس تمكبنا يا عباس
ما ترضي أم خدود جيبت الزمل يباس
دا القادر علي الحارة أم ضرب رصاص
نحن ندركها وعقب الكريم خلاص
ما يهمك فزع ناساًكتــــار منهنــــــدة *

زوزي ونسّفي اللاعند* الفنايد* نّـــــــدا

يعجبـــــك عوسنـــا* وكتين الضـراع يتمـدّا

عوديالرقصــة عقبــان السمـــا الينقــــدّا



دي قولة خبر وبرجع ليك الزم الجابره وابقي راكز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن بابكر

avatar

المساهمات : 17
تاريخ التسجيل : 14/03/2008

مُساهمةموضوع: رد: مواقف ومبادى فى شعر البوادى   الثلاثاء يناير 06, 2009 2:52 am

مرحبتين حبابو العزو ماهو لفايا
اب نارا توقد للضيوف دفايا
بى راس الفهم الافتخار ما كفايا
نتابعو ان جانا ونخدمو حفايا

الغالى الامير مرحبتين تانى واستعد وجرد قلمك من جفيره ولا ترجعة الا منتصرا بما انى لا اظن ذلك فانا قد اتممت جاهزيتى وجردت حسامى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مواقف ومبادى فى شعر البوادى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التكينـــــــــة :: منتدى الشعر-
انتقل الى: