سلام يازولة يارائعة والله جد متشكرين ومقدرين مشاركتك لينا في منتدانا الذي ازدان القا وروعة بانضمامك , ونيابة عن عموم اهل التكينة نرحب بيك ونقول ليك البيت بيتك ومنتظرنك.
وزي ما بقولو في لغة الكورة بخصوص تسجيلات اللاعبين استطعنا اخوتي الاعزاء ان نكسب درة منتديات قمرنا الاخت المتألقه دوما نهلة وهي بصماتها ظاهرة لكل من يرتاد قمرنا من حيث القلم المرهف والاحساس الراقي والابداع المتدفق وفوق كل ذلك النزعه الدينية المحتشمة الهادفة في كل كتاباتها فنحن لم نوجه لها الدعوه الا يقينا منا بانها سوف تثري منتدانا بالكثير المفيد . فمرحب بيك مره تانية ونقول ليك
بلدي بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
بلدي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلدي سهول ، بلدي حقول بلدي الجنة للعاشوها
ولي البرّة بيها سمع
بلدي بلد ناساً تكرم الضيف
وحتى الطير يجيها جعان ومن أطراف تكيها شبع
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
ديل ناس التكينة يا اخت نهلة
مع تحياتي
احمد شريف
السبت ديسمبر 08, 2007 10:08 am
