الرئيسيةاليوميةمكتبة الصوربحـثس .و .جالتسجيلالأعضاءالمجموعاتدخول

شاطر | 
 

 دروب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوامنة

avatar

المساهمات : 12
تاريخ التسجيل : 06/01/2008

مُساهمةموضوع: دروب   الأربعاء أبريل 09, 2008 6:27 am

دروب
رجفة حواسك
فى مواقف ضعف
الشايلنو اصدق يبقى
فينا مجرد احلام
لابتشبع من مجاعة
ولابترضع في رضاعة
ونبقى مظلومين انحنا
وفي نظر ظالمنا ظلمة
نبدا نطلب في شفاعة
العلاقات المعاني
الاماكن والاماني
لماتتحول دواخلك
مكنة ... آله...
وتنهذه فيك الاغاني
ولما تنساك الحبيبة
تبقى ايه فائدة وجودك
وتبقى ايه مستنى تاني؟
ابقى هاجر في بلاد
الله البعيدة
ابد تاني
مالعمر مليون قصيدة
والعواطف فينا جوه
يومي تتوالد جديدة
اهجر الوطن البيظلم
اهجر الارض اليباس
اهجر الزيف والضلامات
اهجر الريد البيهذم سيدو
والشظى في التماس......
مالناس اساس
والحب مقاس
لمعنى زول جواك
عاش
ضابط تفاصيل دنيتو
مادنى ماطلب إلتماس
وكل الحبيبات الهشاش
تبا لهم
وكل البريدو والشوف
طشاش تباً لهم
مالمطرة لو كانت وهم
والغيمة اوضح من شموس زمن الضبابات
والعدم..
ماكان منى الناس
البترضع في اهازيج
الغنى الشايلنو في عمق
الدواخل حس عشم
وما كانت الريدة المطر
تصبح تفاصيل الندم
تباً تفاصيل الندم
تباً تفاصيل الندم
والفقر والجوع والاعانات
والاغاثات والعدم
تباً احاسيس الوهم ...!!
قرب اذن ماكان مضى
وماجاي ... جاي
الطفلة ترضع في غنا الحلم السماوي
الفترت آلاف سنيني الفــي صــباي
والنيل سقى الارض اليباس لمن عطش
والموية من ضهرو بتصب
والنيل تعب من الجري
ونخيلنا نايم والعرق صابي
وبكب
هوووووو يا متاهات
ياضلامات ياشحوب
لمتين معانا من الشروق حتى الغروب
لمتين نحنس فيك امش
شان تنعش الساحات
وراك نسمة هبوب
هوووووووووو يا........
... نحوك عبر
احساس غنا الناس
التصيب رحم الارض
بي بذرة الدفق الحلال
زي اشتهى المشي للجبال
وكل التنافر والتضاد في
عالم السلم ... اقتتال
انا................
في خاطري
فيض من البروق والبسمة
والطبل الرعد لمن ظهر
سنك في لحظة ابتسامة
شالا موج الذكرى طوق
لكل زول طالب نجا
الصبح جا
النخل جــا
القهر عدى وانتهى
الصدق حايم في خيالك
لما تحملي بي بلامسك
وتنتشي وفجاة تصحى
وتخشى وتنكري
العرفة
اللي بينا
معنى صدك هو
ردك ليا عن معنى
اني جواك
لسه عايش ومحتشد
احساس في عمقك
مانعك النفس
الرذين
ظاليك بالسعف النخيل
شاريك كم ليلك طويل
معنى صدك هو ردك لياعن معنى اني جواك
واني مدرك
اني ....انك
واني برجف يوم أشوفك
وانو حلمي في يوم أطوفك
واني بهواك !!!
معنى صدك هو ردك
لياعن معنى اني جواك
واني
محتكر الدواخل
والفواصل والغناوي
والاهازيج والحكاوي
والملازات الهناك
معنى صدك هو إيذان بهواك
غيمة مطرة
أرض خصبة وبذرة فكرة
شموس ونور
عدل في الاماكن
لا ولا للمدعو سور ....
لما يفصل بيني بينك
بين غناوينا المحنة
وبين حلم اطفال
تعيش الدنيا جنة
وبين عيون تبكي وتهاتي
تنادي ليا وبين عيوني
البكت الزولة القضية
والأماني الجد قصية
وحس هواك
معنى صدك هو ردك
ليا عن معنى اني جواك .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دروب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التكينـــــــــة :: منتدى الشعر-
انتقل الى: