سلامات ياشباب
ليكم كل التحايا والتقدير علي ما قدمتموهو في المنتدي من مواضيع عامة وخاصة
المواضيع التي تخص مشاكل القرية
والله ياجماعة اي زول تطرح ليهو مشكلة عن الحلة يبدي اهتمام كبير واستعدادا علي انو يساهم بكل ما يستطيع من حلول واقتراحات ومساهمات مادية .
المشكلة ياخوانا الناس فقدت الثقة في العمل الجماعي بالقرية بقت اي مشكلة تحل بواسطة شخص معين او اشخاص معينين اخد المشكلة دي علي عاتقو واصر انو يقوم بحلها والشي الملاحظ برضو انو بلقي دعم من كل الناس يعني كل الناس شاركت معاهو
وبعد حل المشكلة تلاقي هذا الشخص او هؤلاء الاشخاص اكتفو بذلك واختفو بعد ذلك .
والعمل التنموي عموما لا بد أن يدعم من الجهات الحكومية المختصة خاصة التعليم والموية والصحة وبعد داك اذا في شي ناقص ممكن تتكاتف جهود أهل القرية تكملو لاحظو تكملو ما تقوم بيهو . والجهات الحكومية المختصة يستحيل تدعمك اذا ما عندك لجنة شعبية لجنة شعبية صاح ما اي كلام لانو هي المراية البتعكس مشاكل ومتطلبات اهل القرية للجهات المختصة واكيد في شي مخصص للمشاكل والمتطلبات دي من قبل الدولة .
خلاصة الكلام الناس فاقدة ثقة في العمل الجماعي والسب الفشل المتوالي لكل الروابط الجماعية بالقرية بداية ونهاية باللجنة الشعبية .
اذا عايزين نحل مشاكلنا كلها وبابسط واسهل ما يكون علينا بحل مشكلة اللجنة الشعبية أولاً وارجاع الثقة المفقودة فيها من قبل المواطنين .[b]
السبت أبريل 05, 2008 2:52 am
