نقطة نظام

موضوع: نقطة نظام السبت مارس 29, 2008 10:57 am

الاخوة المشرفين

تحية طيبة

نرجو التكرم بترتيب مواضيع المنتدى حيث يلاحظ المطلع مثلا وجود مواضيع تخص المكتبة الإسلامية فى المنتدى العام واقتراح ان يعدل منتدى المكتبة الإسلامية الى منتدى الشريعة وعلى الاخوة الاعضاء المساعدة فى ذلك

والله الموفق

المساهمات : 13 تاريخ التسجيل : 23/03/2008

و الله يا الطيب أخوى كلامك ده صحيح لو كان هناك اقبالاً على هذا المنتدى.. لكن اهو انت شايف الواحد بكتب موضوع يمشى و يجى يلقاه فى أول الصفحة Shocked

و كان الله جاد عليك تلقى التعليقات على الموضوع ( 1 )..

كان كتبت موضوع عن دورنا كمغتربين.. و تمنيت التفاعل من الاخوة الاعضاء و الذين هم 6 أفراد... " احياناً يبدو لك هذا المنتدى كأنه Private network" ما علينا..

بدأنا فى تكوين صندوق خيرى هنا بالامارات و قمنا بكتابة خطابات و سنقوم بتوزيعها الاسبوع القادم.. قابلت البارحة أحد اهلنا و كلمته عن الموضوع قال لى ياخى أتبرع لى شنو؟؟ قلت ليهو الموية قال لى أنا اسع جيت من الحلة " قبل شهرين " و ما فى أية مشكلة بالنسبة للموية و كل ما فى الموضوع: عدم دفع الاشتراك للكهرباء.. و الاولوية اسع دى يا خوى للمدارس... قلت ليهو ياخى صندوقنا ده عام لكل المشاكل الطارئة فى القرية و منها المدارس قال لى: ورينى مكان المدرسة وين فى حلة عبود و أنا أسع دى بدفع ليك عشرة الف درهم " حلف بى طلاق" قلت ليهو ليه ما فى مكان مخصص من اللجنة الشعبية للمدارس فى حلة عبود؟؟؟؟؟ قال لى كان فى 4 ميادين مخصصة للمدارس و أشياء اخرى تم الاستيلاء عليها بوضع اليد... و ما نفع لا محكمة لا قاضى لا غيرو..و قد وعد بالاشتراك فى هذا الصندوق على كل حال....

هذه هى مشاكلنا أخى الكريم...

نسوى شنو عليكم الله يا ناس Evil or Very Mad

نطير

ولا نطفش من الحلة دى..

هناك حاليا ما يقارب خمسمائة طفل فى حلة عبود لا يوجد لهم مكان لانشاء مدرسة ابتدائية.. و هناك حلين فى الوقت الراهن: اما أن يتم ادخال الطفل ذو السبعة سنوات فى مدرسة البشاقرة و اما أن يضطر اهله الى ادخاله مدرسة التكينة القديمة و خيار ثالث أن يجلس فى البيت لنضيف للمجتمع اميا جديداً...

موضوع: رد: نقطة نظام الأحد مارس 30, 2008 8:21 am

اخى tikaina

تحية طيبة
العمل العام عاوز صبر وتضحيات وسوف تسمع الكثير وانت تقوم وا غيرك يمارس العمل الطوعى للاهل بالتكينة او غيرها هذه طبيعة البشر. بالنسبة الصندوق الخيرى انا اقترح بان يتم حصر ابناء التكينة مثلا فى الامارات ويكون هنالك اشتراك شهرى بمبلغ 20 درهم للفرد وتكون لجنة من اعضاء المنتدى بالامارات تشرف على الاشتراكات ونحن هنا فى المملكة سوف نكون لجنة من اعضاء المنتدى تشرف على الاشتراكات الشهرية على ان يتم تكوين لجنة عليا بالقرية المهمة المناط بيها استقطاب الدعم ( للمشكلة المياه فقط فى الوقت الراهن) على ان تلتزم اللجنة بالامارات والسعودية بارسال الاشتراكات كل 3 شهور وعلى ما اعتقد بان افراد التكينة بالرياض فقط 500 فرد واكثر من ذلك .
اتنمى ان نتجاوب مع الموضوع الهام الذى يخص مشكلة المياه بالقرية ( لن تنالوا البر حتى تنفقوا من ما تحبون )
اخى tikaina ضربته البداية
اشتراكى لمدة سنة جاهز

موضوع: رد: نقطة نظام الأحد مارس 30, 2008 4:17 pm

والله المشكلة لو قروش مشكلة هينة وساهلة لكن القروش اسوبها شنو!! بدون تخطيط سليم!! الناس تقول عاوزة تعمل شنو علشان تحل مشكلة الموية وبعدين تحسب تكلفتها علشان ما نقع في نفس مشكلة البوابير الجابت الطين وقفلت المواسير ولا البير الما جاب غير الرملة في نص المدرسة...
عاوزين نعمل شنو بالضبط وبشكل علمي وعملي!!

المساهمات : 13 تاريخ التسجيل : 23/03/2008

تحية للجميع:

أنا كنت منزل بوست: دورنا كمغتربين و لم أقل " دورنا كمخططين " أنا شخصياً بهمنى ارسل قروش للجنة الشعبية و ناس اللجنة الشعبية مهمتهم التخطيط و التنظير و متابعة التنفيذ.. و حتى فى الادارة نعلم أن التمويل منفصل عن الادارة.. بالذات فى مشاريع النفع العام و بعد ارسال التمويل يمكن المتابعة..

و اذا اردنا لمشروع أن ينجح فلا بد من تفويض المسؤلية لشخص آخر ... هذا الشخص يمكن أن يكون ممثلاً باللجنة الشعبية و التى هى مفترض أن تكون تمثيلاً لأفراد القرية..

و لا شنو؟؟ Rolling Eyes

موضوع: سلامات الإثنين مارس 31, 2008 5:20 am

اخوتي الاعزاء الطيب الامين والتكينة والامام سلام من الله عليكم ورحمتة وبركاته ومشكورين علي الموضوع القيم والردود الهادفة ونحن محتاجين لمثل هذه المواضيع
اولا اتفق مع الاخ الطيب ونحن جربنا سويا العمل الطوعي وخاصة في التكينة يحتاج لصبر ونفس طويل
ثانيا اتفق مع الامام ان التخطيط السليم اهم شئ يعني ما هو العمل والمشروع يبدأ اولا كفكرة في راس الشخص صاحب المشروع وبعد ذلك تأتي كيفية تنزيل او تطبيق الفكرة علي ارض الواقع من دراسات جدوى وغيرها
ثم تاتي فكرة التمويل وطبعا هي اهم ولكن ليس التمويل كل شئ فكم من مشاريع تم تدبير المال لها ولكن لم تنجح واحب ان اذكر لكم مثالا حيا تم تنفيذه بشكل متكامل لو تذكرون ايام رابطة طلاب التكينة وكيف تم توفير سكن للطلبة في الجامعات بمبلغ كبير تم توفيره من المغتربين لان الفكره مهمة والهدف واضح والرغبة موجوده والاهم الطريقة التي تم التواصل مع المغتربين فكان التمويل سريعا وكبيرا
لذلك اخي التكينة نحن معك والله في كل عمل من هذا النوع ومستعدين لكل كل شئ يطلب منا فقط نرجو منك ان تفصح عن نفسك وتذكر لنا اسمك وكيفية توصيل الدعم او المشاركات فأنا في الامارات ولم اسمع بالفكرة المهم نحن جاهزون لكل ما يطلب منا ونرجو من كل رواد المنتدى المشاركة والتفاعل لان اصلا هذا واحد من اهدافنا في المنتدى
نتمني لكم التوفيق ونحن معكم

المساهمات : 13 تاريخ التسجيل : 23/03/2008

المساهمات : 13 تاريخ التسجيل : 23/03/2008

مشكورين

المساهمات : 248 تاريخ التسجيل : 22/10/2007

الاخوة الافاضل السلام عليكم والله انتم عزفتم على وتر حساس والتكينة محتاجه للكثير والله من الخدمات صحه وتعليم ومويه وكل واحده مهمه ياريت نأسس لى رابطة ابناء التكينة بدولة الامارات والمملكة العربية السعودية ونبدا مثلاً بالمويه التى ارهقت كل الاجيال بالتكينة ونبدا فى الموية بالمقترحات لحل المويه فى التكينة حل جذرى وكيفية جمع الدعم والله انا متاكد لو اتفقنا لنجز هذا المشروع فى وقت قريب جدا وانا من هنا بعلن عن تأسيس رابطة ابناء التكينة بدولة الامارات العربية ونحن كثيرين نريد منك الدعم المعنوي اولاً والدعم المادى ثانى وانا اعرف ظروف المغترب حاليا لا نريد ان نحملكم كثير نريد منكم الدعم المعنوى والله هنالك مائة حل والاخوة بالسعودية نفس الشى يتحركو واهل الخير كتيرين نريد ان نبدا بالمقتراحات لحل مشكلة المويه بالتكينة ارجو من الكل انا يشاركو بمقتراحاتهم واراكم والله مافى مستحيل ياشباب ولكم جزيل الشكر والتقدير والاحترام .

موضوع: رد: نقطة نظام السبت أبريل 05, 2008 6:30 am

اول: تتقيم اليارات الموجودة حاليا هل هي في محتاجة لصيانة ولا اغلاقها
ودعم الشبكة الحالية وقبل كدا تلافي الاساب البتخليها تتكسر ولا تتقفل
ودراسو موضوع الفلتر وحجم تغطيته للتكينة مع دراسة توسعها.. وده كلوا ياريت ياريت ايكون بيد زول مختصص علشان احدد الموجود والمفروض!! تاني بكرر موضوع القروش موضوع ساهل لاننا ناس بنحب ونعشق حلتنا وكل واحد منا بالف حلة لدعم الحلة

موضوع: سلامات السبت أبريل 05, 2008 9:16 am

سلامات اخونا الامام واتفق معك يجب ان يكون كل العمل بيد واحد متخصص انت عارف ان الشغل العشوائي الحصل قبل كدا خسرنا الملايين وبالاخص البئر تبع الحي الوراني اربعة ابار وفي مكان واحد وبتحصل فيه نفس المشكلة هي الانهيار بعد فتره بسيطة بعد ما نكون خسرنا فيه يعني العشوائيه البتحصل دي هي سبب كل مشاكلنا