| | ترانيم زول مل الغربة |  |
|
|
| كاتب الموضوع | رسالة |
|---|
Admin
Admin
المساهمات : 225
تاريخ التسجيل : 24/09/2007
 | موضوع: ترانيم زول مل الغربة  الخميس مارس 27, 2008 11:46 am | |
| فراقكم انتو يا أهلي دريباً قاسى كله شوك بطعن في القليب الحي.....
وبتذكر وداعكم لي ....
وكت عتبت باب بيتنا ودموعكم تجرى تصرخ وى.....
بحس بجريها في ضلوعىوبتعصر في كبيدتى شديد وما هو شوى....
بحس بالخطوة تبقى تقيله أريت التانيه ترجع بي....
واقول لرويحتى وين ماشه وتسيبي الديره بالفيها .
من الجد العجوز واقف و لي عند البيحبى حبي....
تقولي خلاص ده ياهو قدر ومين بقدر بحبس السيل
وكت يهدر يدوس الشتلة ويسرح تى .....
وسقت خطاي.. وشلت حنانكم الغالي وحفظتو معاى بين ايدى..
وكت اشتاق ..افرً ايدى .....
ألاقيك يمه... ألاقى الخالة.... ألاقى العمة بتقول لي ..
ودعتك الله ود بطني..قريب ترجع تانى تضوي متل الضى...
دياركم انتو يا أهلي دياراً زين وبلد الطيبة...
كست دروبا حاره.. وحاره.. سكه.. وسكه.. بي رجلي....
بيعرفنى الكبير عايش..وبعرفني الصغير الشلتو فوق كرعى ....
بتعرفنى الرمال الشاربة من موية بحرنا..
ألبيها اتعطرت لما كنت دابى صبى.....
وحتى قصبنا بشهد بى بى روائع نيلنا ساقبه الحنان راويه عزً الري....
دى ما بلدي ...وكيف انتو ..إياكم انتو ما بلدي..وإياكم انتو ما أهلي....
وإياكم انتو غنوه قديمه في شفتي...
بشيلكم آهه في الغربة..وبشيلكم نغمه في الفرحة..وحنانكم يا هو نور عيني....
| |
|
 | |
واقف براك والهم عصف
المساهمات : 17
تاريخ التسجيل : 18/03/2008
العمر : 52
| | موضوع: بسأل عليك الإثنين أبريل 07, 2008 3:26 am | |
| بسأل عليك كل الطيور الراحلة جاية من الشمال
بسأل عليك ناساً حنان طيبين عيشُ حلال
بسأل عليك كل الجداول فى الحدائق والظلال
بسأل عليك حتى الرمال النايمة فى حضن التلال
بسأل وبسأل كل يوم ماعز يوم عندى السؤال
بسأل عن الجرح القديم بسأل عن الوعد اللى طال
وحياة عيونك يا اغلى الناس أصبح حالى حال
زولاً بعيد عايش وحيد داير الوصال
فى بعدك انت الريدة بس كيفين تكون هيبة وجلال
وحياة بسيماتك وحاة الريدة بيناتنا حبك ماريتلو مثال
إلا بعيد ..بعيد ياحبى كيفن تانى نبقى قراب ويبقى وصال
وكيف هان عليك ياغالي تمشى بعيد منى محال
خليتينى فى الآمى رحت بعيد عنى
تعال الريدة نبنيها وبى آهاتنا نسقيها ونكتب قصة للأجيال
نكون عنوان نكون تاريخ ونبقى حكاية للاطفال
نيقى بداية مالانهاية قصة حقيقة ماها خيال
تعال نرعاها اجمل ريدة قصة حب معاناة قلب راحة بال | |
|
| | |
عاصم ابابيل
المساهمات : 318
تاريخ التسجيل : 24/01/2008
| | موضوع: من وطن الجدود سلام بلا حدود الإثنين أبريل 07, 2008 5:25 am | |
| الاخ ود الشريف
عساك انت بخير
حقيقه الغربه مره لكن دى ظروف الدنيا
انشاءالله ربناء يرد غربتكم
و نشوفكم بالسلامه
و ربنا يخفف عنكم ويلات الغربه | |
|
| | |
عوض ابوسنينه
المساهمات : 63
تاريخ التسجيل : 25/09/2007
| | موضوع: رد: ترانيم زول مل الغربة الجمعة مايو 16, 2008 2:13 pm | |
| تحياتي للجميع ياود الشريف مصيرو الحي إلاقي ماكنت صابر الجرسه شنو نسأل الله ان يرد غربة الجميع وان يحقق احلام الكل خليك زي ماكنت يامك ودمتم  | |
|
| | |
اشجان
المساهمات : 12
تاريخ التسجيل : 21/05/2008
| | موضوع: رد: ترانيم زول مل الغربة الخميس مايو 22, 2008 9:50 am | |
| الشعر دا جبتو مكن راسك والا من كراسك | |
|
| | |
سومه
المساهمات : 9
تاريخ التسجيل : 21/05/2008
| | موضوع: رد: ترانيم زول مل الغربة الخميس مايو 22, 2008 3:11 pm | |
| الاخ احمد شريف مشكوررررررر على القصيده وربنا يرد غربتكم سالمين غانمين | |
|
| | |
اشجان
المساهمات : 12
تاريخ التسجيل : 21/05/2008
| | موضوع: رد: ترانيم زول مل الغربة الإثنين مايو 26, 2008 6:10 am | |
| الاخ احمد الشريف انشاء الله ارد غربتكم وتعودو لينا سالمين وغاانمين | |
|
| | |
Admin
Admin
المساهمات : 225
تاريخ التسجيل : 24/09/2007
| | موضوع: ترانيم زول مل الغربة الإثنين مايو 26, 2008 10:55 am | |
| سلامات يارائعين وشكرا علي المرور والحكاية مش جرسة ياود ابوسنينة بس مرات الواحد بضيق عليه جلده تتجاذبه الاهات والحنين يبحث عن متنفس عله يجدها في كلمات شاعر او مغني تطلع زفيرا عساها ان تخفف اللوعة والوجد عشان كدا خلينا النترنم والننفس الى حين العودة التي نتمنى ان تكون قريبا
ورضيت بالغربة يا أهلي .......
رضيت بالغربة شان عزة حروفاَ غالية
فوق أحلامي تتواري وتقول لي ....
ياني راجياك تانى ترجع لي.
.ولو عارف السنين بتهون كفاى الفات ...
وكان اديتك الباقي وبراك عارف الحنان العندى متل اللبنة صافى نقى....
صفا السمحين.. دعاء الطيبين.. مشاتل عامره
بى فرح الصغيرالعبً من رمل الجروف الجاريه شاقه ودى.
.....................
هناك في الغربة يا أهلي ...بشوف الناس غريبة وتايهه
في أحزانا طاويه ألحي ....
بشوف في عيونا نظرات الودار ..مليون سؤال.
.في جوفي تكويني وتخلف الكى....
وحتى القمرا ..ما بتشبه قمربلدى البضوى الساحة صافى لبى....
ووين الخضرة ..وين الخضرة وين راحت ...
ودييك المويه فوق للصخره تصرخ تبكى وووووب وأحي....
.............
وحاتكم انتو يا أهلي ...
ما فىاحنً من أهلي ..منو الغيركم بعرف البى.....
ويقاسمني الزمن لو جاني تارى على......
لكنى خلاص اتيمنت ... واتيقنت ....
ما دام الغربة صبحت نغمه بسمع صوتا فوق أضنى...........
وطعم الغربة في لساني واصابعو تدور تأشر لي....
بسلم أمري للأيام...واجيكم تانى .شان بى شوفتكم أتعطر .واكحل بيه ضى عيني | |
|
| | |
عاصم ابابيل
المساهمات : 318
تاريخ التسجيل : 24/01/2008
| | موضوع: من وطن الجدود الثلاثاء مايو 27, 2008 1:07 am | |
| الاخ
ود
الشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــريف
حقيقه الغربه مره
انزل اجازه وزورنا مره | |
|
| | |
| | ترانيم زول مل الغربة | |
|
