سلام اهلي ناس التكينة وسلمتم من كل شر واقول ليكم الجاتكم في لحمكم ولبنكم سامحتكم وطبعا اليومين ديل الناس عايشه في قلق وخوف بس طبعا الحذر واجب ودا مرض خطير وفتاك وطبعا اليومين ديل اتلاحقت وتساوت الكتوف وتساوت صواني الاكل فأصبح العدس وبقدرة القادر وبين ليلة وضحاها نجم الصينيه بلا منازع اما الطماطم ولا التفاح
هذا وبالرغم من ان المسؤولين طمأنوا الناس بأنتهاء المرض ولكن الناس لسه في خوفها وبدت الناس تذكر في محاسن العدس والطماطم والفايتمينات والمادة الغذائية الغنيه والكامله لكأن الطماطم والعدس تم اكتشافهم اليومين ديل
امكن الحكايه تمشي يا ناس والناس ماترجع للحم واللبن تاني بس تخيلو كيف اكون الحال لو دا حصل
اول شئ بتوقعو معظم المغتربين حا يرجعو لان اللحم بالذات وصينية الاكل عموما هي الخلت الناس تهاجر وتغترب لان كل واحد بقول ليك والله لو بقدر كل يوم اجهز حق حلة الملاح ما اقعد دقيقة وبعدين ياناس في شعوب من الله خلقها ما ضاقوا طعم لحم ناس نباتيين الحصل ليهم شنو كدي ياجماعة خلونا نجرب امكن نقدر نتخلص من اسطوره اسمها اللحم .
الأربعاء نوفمبر 21, 2007 9:01 am
