بعد غياب جيتكم . . يلا أستعدوا للتنظير

1

أبومناهل كتب:

أول شئ قبل أي سلام :
اللون الأحمر ده كعب عديل كده من عدة نواحي ( إلا واحدة بس خلوها في سركم )
بالجد يعني الون الأحمر مرهق للعيون .. بالذات للعجايز ( ما شايفين كرن مسجل غياب )
تاني شئ : يا أحمد ( يا أدمن ) كمية المنتديات الكتيرة دي بتشتت جهود الناس عشان كده أفتكر إنو من الأفضل تقليص المنتديات إلى المنتدى العام ومنتدى شخصيات من القرية فقط بحيث يشمل المنتدى العام كافة المشاركات من إجتماعية وترحيب بالأعضاء الجدد لأنو لمة الناس في مكان واحد أحلى . . وبالتالي إلغاء كافة المنتديات بما فيها المنتدى الإسلامي ( ما تعلنوا فيني الجهاد )
ثالث شئ : ناس قص ولزق ديل البيمشوا يقصو لينا مواضيع من مواقع أخرى ويجوا يلصقوها لينا هنا بقول ليهم جهدكم مشكور ( بس لكن ) عايزين حاجة جديدة وياريت يعني تهم مجتمعنا الصغير ( التكينة ) . . وقصوا ولزقوا مافي مانع بس تكون الأولوية لي شنو ؟؟
أخيراً : دي جرعة أولى ودائماً الجرعة الأولى بتكون ( قوية ) ومركزة . . ولسه الجاييكم كتير إستعدوا للتنظير و ( البري )
ختاماً : ودي المفروض تكون في البداية إزيكم كلكم ( جت عليكم )

بسم الله الرحمن الرحيم
اخوي ابومناهل حياك الله بتقوي والايمان ونورت منتداكم ومنتظرين جديدك المفيد

يا ابو مناهل والله فعلا قلتها براك منظراتى من الطراز الاول ونقدك هدام شديييييييد ياخى خلى الناس وامكانياته يكتبوا يشفوا ينقلوا ورينا انت شطارتك يا ابو الفهم ومالقيت تقول احذفوا غير المنتدى الاسلامى خلاص عرفناك تب زول احمر وعلمانى من الدرجه الاولى ياخى بطل تنظير وخلى الناس تشتغل شغله ومشكووووووووووووور يا ....

سلامات اخونا ابومناهل وحمد لله علي السلامة لرجوعك من البلد ولرجوعك للمنتدي
اول حاجه حاضرين نغير ليك اللون فورا
تاني حاجه يا ابو مناهل نحن من زمان بنقول تعالوا يا جماعة ورونا اقتراحاتكم وتصوراتكم بس مافي زول اخد خبرنا الا القليل جرينا وراكم كتير بس مافي تجاوب المهم نحن لسه منتظرنكم ومنتظرين اقتراحاتكم
تالت حاجه بخصوص التقسيم دا تم بناء علي رغبة الاخوان لان زي ما لاحظت في مواضيع عباره عن كلمه كلمتين تبين دخول الشخص وترحيب بيهو من الاعضاء يجب ما تكون في المنتدي العام وهو طبعا للمواضيع البتستحق النقاش والردود وزي ما شايف في كل المنتديات التقسيمات دي موجوده
اما بخصوص الاخوه البنقلو والله جزاهم الله خير كتبواووقفوا معانا والموقع بتسع للبنقل والبرتجل بس ورينا همتك ومنتظرين منك الكتير

احمد شريف

أبو مناهل لك التحية :
مشكور على مرورك الطيب وعلى المداخلة النار ...
كلامك فيه نقد هدام وليس بناء ..ثانياً زمن التعقد والحركات بتاعت زمان دييييييييييييييييك ولت يابوى
وبعدين إنت أكبر من هذا التقد الهدام .. ونحن بنشكر اى زول شارك فى المنتدى حتى لو شخبط بى فحم زى ما بكتبو فى العمدان زمان .. والزول البنقل المواضيع او بلصق تلصق أحسن من البحاول يتبوبر ويتفلسف ..
المهم ديل نحن ناس التكينة فمرحباً بك يا سيييييدا ولك منى عاطر التحايا .
ود عمك .... توماااااااااااااااااااااااااااااااااااااااااااااااابى .

[b] فى البدايه تحياتى للاخ ( ابومازن )

التوم و ودالشريف و نهله تســـــــــلمو

اخونا الغالى ( ابومناهل )
لك التحيه والتجل والحمدالله على سلامة الظهور كلامك طيب وبناخدو
وجهة نظر وخليك بعيييييييييييد من التنظير البنعرفو
ويلا همتك وادينا الجديد عشان نستفيد
وبعدين الاستاذ ( كرن ) لساء فى عز الشباب ما شايف الصوره بتاعتو
واحسن تصلح علاقتك معاهو يا ابو البنات ...... عندك ( تر يس )

مع خالص تحياتى ابومناهل


ودمتم

الاخ الفاضل الرائع ابو السيد حياك الله وحمدلله على السلامه وكيف اخبارك واخبار الاهل وكيف الحله ودكان خلف وكل الاهل ومرحب بيك بين اهلك .وتحياتى للاخوان بالسعودية.

وبعدين الاستاذ ( كرن ) لساء فى عز الشباب ما شايف الصوره بتاعتو
واحسن تصلح علاقتك معاهو يا ابو البنات ...... عندك ( تر يس )
لا فض فوك يا أبو عويض شايف الحبايب بتعمل فينا ......... ناس في عمر الزهور وبقولو عليها عجائز
سلامات أخونا الغالي جدا وألف حمدا لله على سلامة الوصول وكيف اخبار الاهل والفريق وأخبار الحجر خاصة انشاءالله الناس مرتاحة
طبعا لا تسعنا الفرحة برجعتك الينا سالما وأحلي ما فيك تنظريك بس ما تظلم الناس ( دائما يقاس الكبر عندنا بمدى مساحة الصلعة وعلى ذلك قيس)
المهم مرحب حبابك ياغالي ومنتظرين أبداعك