حلــــــيل بنـــــات مهيره

تغنى الشعراء السودانين عن الزى السودانى ونتباهى به امام كل الشعوب بما يحمله من جماليات وخاصه الزى النسائى ( التوب )
والتوب السودانى تفاعل مع عصر الموضه تجدد فى تشكيلاته والوانه ولاكنه ظل كما هو
يحمل عنوان المره السودانيه
اما بالنسبه للشباب واخص البنات
زمان كان اللبس محترم بالرغم من وجود البلوزه والاسكيرت والطرحه لاكنها كانت ساتره ومحشمه
اما اليوم حدث ولا حرج 00 الاسكرتى و البلوزه ضيقه والطرحه منسيه
فوالله الواحد لما يشوف البنات الان فى الشوارع واخص الجامعات يستحى من المناظر 0
اين همن اخوات نثيبه 000؟
هل التطور والارتقاء فى اللبس الضيق 000 ؟
هل هذه هى الحضاره 00؟

اجارنا الله واياكم من الزمن القادم

تسلم يا ابوسنينة يارائع عودتنا دائما علي المواضيع الهادفة والجميلة
الموضوع اخي ابو سنينة كبير ومتشعب والحكاية ما بقت بس مجرد زي بل اتعداه لي حاجات اكبر واخطر يعني الواحد لمن ادخل اي جامعة او حتى الشارع العادي بل مكاتب الحكومة والله الواحد يصيبو الخجل والاسف معا في كل شئ وخاصة اللبس وياريت الموضوع اخي عوض وقف عند اللبس بل ظهرت ممارسات وعادات اصلا غريبة علينا كسودانيين واخطرها حكاية الزواج العرفي واين كمان في الجامعات يا للمصيبة واخي عوض وعشان نكون حقانييين وما نرمي اللوم علي البنات وحدهم هم جزء من المصيبة الشريك الاكبر فيها الاباء والاخوان والمجتمع والدولة . وبعدين اخي عوض مثل ما للبنت نصيب ونصيب اكبر كمان ايضا الولد له نصيب في المشكلة يعني مش زي حلال على بلابله الدوح حرام على الطير من كل جنس
وبعدين اخي عوض البنت اصلا لو ما لقت الطريق سالك والدرب ممهد ما بتلبس هذا اللبس وما دام الاب والاخ ما بهمو ما تلبس ابنتو ماذا تنتظر منها
وللحديث بقية



احمد شريف