ود جلى و الفكى على

السلام عليكم
الاخ المحترم عاصم نشكرك جزيل الشكر علي هذةالاطلاله الرائعه منك
ولك من عائله جلي ولكل اهل التكينه التحيا

عاصم ابابيل كتب:

لله و الحرية
هل تعلم ان اول من جلس علي كرسى افرنجى هو ابراهيم محمد توم جد
الناجى ومبارك محمد ابراهيم وايضا كان كاتب العمدة
هل تعلم ان اول من ملك سيارة هو الشريف حامد واشتراها من السيد الفاضل المهدى
هل تعلم ان اول معلم بمدرسة رفاعة هو خالى الامام ود ابراهيم والد شيخ
سيد
هل تعلم ان اول امام للمسجد العتيق هو جدى الفكى على ود الصديق ود يعقوب والشاهد ود جلى و الفكى على
لــــــــو ما مـــــصـــــدق اســـال نـــاس ابـــــــــوك ياوليــــــــــد

مع تحياتى و ودى
عــــــاصم عمــــر ابابيـــــــــــــــــــل

بسم الله الرحمن الرحيم

السلام عليكم ورحمة الله وبركاتة
ماشاء الله ولا قوة الابالله اخوي عاصم وانت توثق بمعلوماتك القيمة تاريخ اصيل وجزء من روعة اهلي الغبش صراحة انا مستمتعة جدا بمعلومات التي استمدها منك جزاك الله الجنة

اشكرك ياود ابابيل
هل تعلم انا ماعرف الحكايه دى
اشكرك كل الشكر اخى عاصم
المهم سلام منى ليك ولى شخصك الرقيق
انا ود جلى والفكى على
قصه مام صدق اسال ابوك ياوليد دى شنو

ود جلى والفكى على

بسم الله الرحمن الرحيم

اهلنا واحبابنا ابناء التكينة السلام السلام السلام جاكم ودايرين نواصل ماانقطع من حديث عن شخصيات من التكينه
احيطكم علما ان اول من صلى امام بمزارى مكتب اللعوتة يوم صرف ارباح القطن فى عهد الانجليز ويا حليل عهد الانجليز كما يقولون المزارعين نفسهم المهم دا ماموضوعنا موضوعنا من صلى بلمزارعين وهو خالي الفكى الامين ود جلى والد عبدالمنعم الكدو
ساعتها تعجب المفتش الانجليزى الاصل كيف لهزا الرجل قصير القامة ان يقفوا وراه كل هولا القوم وطبعا المصلين
مامن التكينه وبس بل كل اهل المنطقه ام مغد والغابه والتى والمسيد والمسعوديه واللعوته وهلم جرا.
لذا ماكان من المفتش الانجليزى الا ان قام بمكافاته وتعيينه رئيسا على المزارعين
مش المزارعين ليهم حق يقولوا ياحليل زمن الانجليز.
لو مامصدق اسال ناس ابوك ياوليد.
مع تحياتى وودى
عاصم عمرابابيل

سلامات يازول يارائع والله ما قصرت ومعلومات قيمه والله اول مره نعلمه وبمناسبة الفرصة السعيده دي الخلتنا نشوفك بعد طول غياباخونا عاصم ليناعندك طلب وتكليف بسيط ونحن عارفنك موسوعه بس نطلب منك وانت موجود في البلد ان تلم لينا سيره كل اهلنا اجدادانا وابواتنا بدون فرز ولا تمييز كل معلومه عن شخص تقع في يدك اكتبها لينا واهم حاجه طبعا التعريف بيه ونسله ان وجد المهم كل ما يؤدي للتعرف عليه وانت عارف في حاجات كتيره بنجهلها عنهم علشان في النهاية نجد انفسنا وثقنا لكل اهلنا في التكينة وياريت لو قدرت اتحصلت لينا علي صور المهم نترك ليك الموضوع وعارفنك ما بتقصر


احمد شريف

لله و الحرية
هل تعلم ان اول من جلس علي كرسى افرنجى هو ابراهيم محمد توم جد
الناجى ومبارك محمد ابراهيم وايضا كان كاتب العمدة
هل تعلم ان اول من ملك سيارة هو الشريف حامد واشتراها من السيد الفاضل المهدى
هل تعلم ان اول معلم بمدرسة رفاعة هو خالى الامام ود ابراهيم والد شيخ
سيد
هل تعلم ان اول امام للمسجد العتيق هو جدى الفكى على ود الصديق ود يعقوب والشاهد ود جلى و الفكى على
لــــــــو ما مـــــصـــــدق اســـال نـــاس ابـــــــــوك ياوليــــــــــد

مع تحياتى و ودى
عــــــاصم عمــــر ابابيـــــــــــــــــــل