ليش بسكر الجوال.. اخاف من حول لي الف ريال
ليش بسكر الجوال
اخاف من حول لي الف ريال
وين عقلي يا شارد
تسكر الجوال تخاف من الهوا البارد
اخاف امسكل لي وحول لي الف ريال
وانا الضائع من المكتب الى البقال
وانا بالفلس مهموم
جائب حساسية كل يوم مزكوم
راتبي ضعيف وقلبي خفيف
راتبي خفيف اكتر من النسمة
وراتبي ضعيف ما بقبل القسمة
وانا الغارق في الاوهام
كل يوم منقول من خبر لجبيل الراكة والدمام
مكتوب علي شقاي سنين ودهور
في المكتب اكون مقهور وفي البيت اكون منهور
وشكلة في الشركة متين اخلص الدوام
وامشي البيت سوال وجواب عن الراتب
احسن لي ارجع لحلتنا ولاهلنا كاتب
امش لي وين شمال يمين
حرارتي العالية وضغطي الواصل المئتين
وامشي البيت اقول ارتاح
برضو نكد ليلي شايلو صباح
واعاين جاي القى البصل حبة ما بسوي ملاح
واعاين مقاس الزيت
القاه بالماينص واقول يا ريت
لو الزمن برجع اكون يا ليت
زمان في الحلة ما في هموم الخير يكون باسط
من الحواشة ارجع لبن رائب اكون ساقط
ولقمة حارة بملاح شرموط
ونومة ضحى في الديوان اكون مبسوط
صلي يارب يا عليم بالحال
على الممدوح منقذ الاحوال
تعم الصحب وكل الال
محمد يسلم من هوا بارد ما يسكر الجوال
محمد - الشقائق
الأحد يناير 30, 2011 3:01 am